Una exposició a la Vall d'Aran sobre els drets dels europeus i dell futur de la UE

By Esguard de Dona - dimecres, de juny 05, 2013







Text en aranès:
Era Val d’Aran acuelh ua exposicion e un dialòg ciutadan sus es drets des europèus e eth futur dera UE

Eth delegat dera Comission Europèa en Catalunya e es Illes Balears, Ferran Tarradellas, e eth sindic d’Aran, Carlos Barrera, inauguraràn era Exposicion #dretscompartits, sus es drets des ciutadans dera UE.Aguesta mòstra itineranta, organizada pera Comission Europèa damb motiu der an Europèu des Ciutadans, arribe eth 6 de junh a Arties. Er acte d’inauguracion anarà seguit dera taula redona e debat: Dialòg damb es ciutadans sus eth futur dera UE, que compdarà tanben damb era participacion deth cap de Cultura e Patrimòni deth Conselh Generau d’Aran, Jèp de Montoya e deth Sindic Municipau de Greuges de Sant Boi de Llobregat, Carles Dalmau.

Era exposicion #dretscompartits hè un recorregut pera lista des drets qu'an toti es ciutadans dera UE, es drets fonamentaus e d'autes qu'era Union a legiferat entà per'mor de protegir-mos tant quan èm en nòste país coma quan mos desplaçam o residim dehòra. Damb era inauguracion d’aguesta exposicion, organizada en marc der an Europèu des Ciutadans 2013, era Representacion dera Comission Europèa en Barcelona vò apropar era Union Europèa e eth sòn projècte as aranesi e as areneses.

Era exposicion s’inaugurarà ena glèisa de Sant Joan d’Arties. Dempús der acte debanarà un debat public entà parlar deth projècte europèu e des rèptes actuaus e futurs dera UE.


Compartir drets as hilats sociaus

Era exposicion #dretscompartits ei ua mòstra itineranta que s'inaugurèc peth prumèr còp eth passat 9 de mai, Dia d’Euròpa, ath Musèu Maritim de Barcelona. Era mòstra convide as visitants a conéisher es sòns drets, a exercir-les pleaments e a hèr-les conéisher tanben ath sòn entorn. Per açò, emplegue còdis QR que remeten ara version on-line dera exposicion que permet agranir e compartir es contenguts a trauès deth hilat sociau Facebook. Ath madeish temps, s’a creat era etiqueta #dretscompartits a Twitter, que permet cercar e compartir informacion sus es diferenti drets que repasse era mòstra.

Era exposicion s'inaugurèc damb motiu deth Dia d'Euròpa ath Musèu Maritim de Barcelona. Dempús a iniciat un itinerari per diuèrses ciutats e territòris de Catalunya e es Illes. Era mòstra acabe de visitar Almacelles e ara se poderà veir en Arties enquiath dia 16 de junh.

  • Share:

You Might Also Like

0 comentarios